一歲六個月



時間過得真快

晉晉豬歲半大啦

佢依家識行識走

仲學人跑得好快

出到街唔肯俾人抱

唔肯俾人拖住手仔

喜歡自己行

學講方面

佢依家唔係識講好多生字

我地比較聽得清楚有媽媽、打打、茶茶、MUM MUM(食物)等

我地敎佢講, 佢可以跟住講

可以發到個音

相信佢可以學到越來越多野^^

結婚七週年

今日係我同老公結婚七週年

我地決定二人世界去撐枱腳

原因之一係今日我同老公都要返工

沒時間帶兩隻豬仔出來一齊慶祝

今年十月份真係破產

先來十月一日相識十週年已食左一餐

再來十月二十九日結婚七週年食左兩餐

第一餐如下

第二餐如下

口金包

早幾日，心血來潮想搵D小玩意來攪下，剛好係FACEBOOK見到好多人講緊自己親手整口金包。之前，有位好朋友都送左個口金包俾我，我覺得幾好用，用左幾年，用到殘殘地，都想自己整返個俾自己用。於是，我係淘寶網淘了4套口金包及2條鏈。

錦田鄉村俱樂部

今日早上，相約朋友一齊去吃早點。吃完早點後，我地出發去錦田鄉村俱樂部。這個地方, 我第一次去，之前係FACEBOOK見到有人介紹，假日帶小朋友去玩玩，係一個不錯的選擇。於是，我上網搵下資料，這個地方的確好大，有好多地方供人參觀及玩樂。約下午一點，我地到達錦田鄉村俱樂部，那時下著毛毛雨。落車時大家都同一個反應，不是上網所講的那麼靚。不過，這個地方的確很大，有兩個大草地，大人可以放下風箏，小朋友可以玩下波波。一入門口既左邊，有一個大型的兒童樂園，謙謙當然唔會錯過呢次機會，即刻叫著要去玩。兒童樂園玩一次要HKD20/10分鐘，其實真係有D貴。不過，難得過到來，俾佢去玩下無仿，而且佢玩得咁開心，都係值得。我地除左係大草地度玩玩，都有BBQ，大人$128/小童$108包4個鐘。雖然BBQ係任吃，但D食物款式少同無乜味道。大人的價錢可以接受，但小童真係貴左D囉。我地都有去睇有機農莊、兔仔樂園，其他射箭場、養蜂場、苗圃工作坊等，冇時間去睇，而且那時已經6點了，天都黑了。總結來講，只係BBQ唔係好抵之外，這個地方都係一個俾小朋友放下電，睇下野的好地方。 網誌：http://www.yl.com.hk/ktcc/1_faci.htm

一歲五個月

轉眼間，晉晉豬今日已經一歲五個月大啦！時間過得真快。 晉晉豬已經可以自己行啦，而且仲跑得好快。牙齒也出左十幾隻，依家可以吃到好多野，佢見到我地大人吃咩野，佢都會走過來講MUM MUM。 佢比較喜歡吃大人吃既野，佢自己吃既野唔太LIKE(糊仔、粥仔、奶奶)。 最近，晉晉豬好鐘意同哥哥搶野玩，見到哥哥玩咩，佢就會即刻走過去搶來玩。例如：玩具、IPAD。兩兄就會搶來搶去，大多數都是細佬搶贏，可能哥哥讓佢啦！其實, 晉晉豬真係好大力的，而且仲好噁。他的口頭禪就是打打，呢句講得很清楚，其他的話就聽唔明，因為佢係度講BB話。佢好識打人，想要的東西，如果得唔到，佢就會打人。慘了，希望佢大個唔係咁啦！

相識十週年

不知不覺我和老公一起已經十年了，今天既是國慶，又是相識十週年。回想起十年前，我們是一個青春無敵的青少年，兩人心裡只會朝著每天去那裡玩、那裡有好吃的東西。十年後的今天，我們己是兩子的爸爸媽媽，大家心裡想著只有兩子的生活、健康和升學的問題。今天大家看回十年前和十年後的今天的相片，大家真的老了很多。或許人生就是這樣，有得必有失。但能夠看著兩個小朋友一天一天的健康成長，一家人能夠開開心心在一起，心中已經很滿足了。

幾天前，我們預約了尖沙咀海景嘉福酒店吃自助餐慶祝，雖然這間酒店的食物的款式不算太多，但勝在樣樣食物的味道真不錯。

十五週六日

我懷著謝家二小B已快四個月啦，這胎和第一胎沒太大分別，幸好也是沒有嘔吐，只是頭三個幾月胃口不太好，現在胃口開始好了些。



現在還未知道二小B是男或女，等到下個月尾照結構性超聲波應該會知道吧。自己心想當然想這胎是女孩，想揍成一個好字，是男孩也很開

心，因為都是我和老公的孩子，我們一家都會很歡迎這位二小B的來臨，只要佢健健康康、順順利利出世我已好感恩。